A existencia dun clima benigno con abondosa chuvia, unido as caracteristicas dun solo granítico, da lugar a unha flora rica e variada, que permite a produción de mel. Os colmeares do lugar son pequenos e déixanse mimar polo esmero do apicultor. Moitas veces podemos ve-los protexidos por un muro de pedra, de xeito que estan resgardados contra os ataques dos animais. Polo xeral, a recollida do mel adóitase facer entre os meses de xullo e setembro. Os apicultores realizan este traballo a man, artesanalmente, como se leva facendo dende hai séculos. Conséguese así unha gran calidade nos procesos de extracción e envasado do producto, como demostra o feito de que se conseguise a Denominación Específica Mel de Galicia.
O mel é un alimento moi benefecioso e de proveito para aqueles que realizan traballos de gran esforzo físico e mental: para os deportistas, como reconstituínte; para os nenos que están desenvolvendo o seu sistema muscular; para persoas de idade avanzada, servíndolles de axuda para o seu corazón. Dende a antigüedade empregouse como remedio contra todo o tipo de doenzas polo seu poder contra os xermes, estando especialmente indicado para persoas enfermas que padecen estados de cansanzo.
Podemos adquirir este prezado produto na cooperativa de mel do Xurés formada por apicultores dos tres concellos que pertencen ao Parque Natural Baixa-Limia, e nas tendas e supermercados do lugar.
