Moi frecuente en cáseque todas as terras de Galicia, o cruceiro tal e como o atopamos actualmente é, segundo Castelao, unha elaboración medieval que nembargante adquire a súa máxima expresión no barroco. Diferénciase de outras "cruces altas" polo seu carácter monumental e moi definidona súa composición (grada, base,varal e cruz). Asociado ós camiños é un elemento recordatorio e á vez protector. En Lobios existen boas mostras deste tipo de cruces non obstante pola súa singularidade sinalamos o cruceiro de Vilameá con data de 1626. O varal reempregando o remate dunha solaina, o dado con inscripción de ruda factura (ESTE CRUCERO PUSO QI Gº Aº Vº DESTE LUG. Aº 1626), a sinxela cruz con imaxes e a situación á beira dun antigo camiño lousado, fan que teñamos que consideralo como unha peza curiosa e notablemente antiga.
