As fervenzas da Corga da Fecha son unha serie de saltos no tramo final do rego dese nome que superan, en conxunto, un desnivel de 200 m na súa búsqueda do encaixado cauce do río Caldo. Entre cada salto, as augas remánsanse en pequenos pilóns onde a auga adquire una bela coloración azulada, dos cales, o máis baixo, foi cruzado na súa fronte pola vía romana (Vía Nova ou Vía XVIII). Estas fervenzas prodúcense polo cambio de orientación do regato da Fecha cando abandona as grandes liñas de fractura NNW-SSE do seu tramo medio e adopta unha dirección E-W na que debe labrar un qranito de grao groso de grande dureza e que dificulta a incisión fluvial e a regularización do seu cauce.
